Wednesday, February 1, 2023
Niz Goenkar
Latest News

Colvale Pulisani Tivim Hanga Vhodd Promannant Bhaddekar Satyapan Drive Suru Keli
Sunday - Dec 4, 2022
Ponnje: Colvale pulisani sonvaradis Auchitvaddear Tive, hangasor bhaddean rauteleanchi vhodd nettan choukoxi suru keli ani vollokh potr dakounk naslelea, sat zannank ottok kele ani tanche chal-riti dubau-ant asleleo dison ailem. “Lala ki Basti” angasor zalele choukoxent sumar 43 zannank zotak laile. Bhaddechea satyaponnachem form borunk naslelean tankam pulisank kollit korunk sanglelem.
 
Toxench Indieche dhond sonnotichem (IPC) 188 koloma khala ghorachea dhoniancher bhaddekaranchem satyaponn korinastanam baddeak dovorpa khatir pulisani tokrar nondh keleat. Ottok keleleam modem Uttar Pradeshantle 6 nagrik ani Madhya Pradeshantlo ek nagrik zaun asa. Antuntle thodde tevoi, rong marpi ani welding korpi oslea dhondeant tea asat oxem pulisani sanglam. Tankam Cr. P. C. chea 41 koloma khal ottok keleat oxeim pulisani fuddem sanglam.
 
Ut’tore Goencho pulis odikxeok (SP) Nidin Valsan ani Mapxencho Upvibhagyacho (DySP) pulis odhikari Jivba Dalvi ani Mapxenche pulis choukecho Nirikxeok Somnath Majik hanchea fuddaraponna khal Colvalechea pulisani hi choukoxi athant ghetli. Bhaddekaranchim Mahiti and vollokpotr hem chodd gorjechem oxem kaido sangta mhunnon ho vaur suru kelo. Hea passot ghorachea dhoniancher tokrari nondh zalea oxem Dalvin sanglam. Tech porim tannem sanglam ki hea fuddem Mapxenchea pulis upvibhagachea odhikarxetrant etelea dhor vatarani oxi choukoxi zateli mhunnon.

Back
No comments posted...
Leave a Comment
* Name
* Email (will not be published)
*
* Enter verification code
* - Required Fields